అనుకున్నపుడు మగ్గే కాయలు..!

- డాక్టర్‌ కాకర్లమూడి విజయ్    Wed, 14 Nov 2012, 

               పచ్చికాయలను తెచ్చి హానికరమైన రసాయనాలను చల్లి కృత్రిమంగా మగ్గబెట్టే (పండించే) పద్ధతి మనకు తెలిసిందే. ప్రస్తుతం మనకు లభ్యమవుతున్న అనేక పండ్లు సహజంగా పండినవి కాదు. ఆ విషయం వాటి రుచిలో తెలిసిపోతుంది. కానీ, తెలియని విషయం మాత్రం అవి కలిగించే హాని. ఇప్పుడు శాస్త్రవేత్తలు మరో రకంగా కాయలని మగ్గబెట్టే ప్రక్రియ కనుగొన్నారు. ఒకరకమైన ప్రొటీన్‌ని మార్పు చేసి, పండ్లకు రంగునిచ్చే క్రియతో తగ్గించడమో లేక వేగవంతం చేయడమో కూడా చేయవచ్చట. ఈ విషయమై ఇంకా అన్ని వివరాలు తెలియనప్పటికీ, ఈ కొత్త ప్రక్రియ రైతులకు లాభసాటిగా ఉంటుందని పరిశోధకులు భావిస్తున్నారు. కాలానికి అనుగుణంగా కాయలను సహజంగానే మగ్గేలా చేయడమూ, లేక మగ్గడాన్ని కొంతకాలం వాయిదా వేయడం ద్వారా రైతులుి లాభాలు గడించవచ్చు. ఈ తాజా ప్రక్రియని త్వరలో పేటెంట్‌ చేస్తారట!