మందులకు లొంగని మలేరియా..!

విజ్ఞాన వీచిక డెస్క్   Wed, 11 Apr 2012, IST  

మందులకు లొంగక, గత కొన్ని దశాబ్ధాలుగా మానవులను భయభ్రాంతుల్ని చేస్తున్న మలేరియా గత కొన్ని సంవత్సరాలుగా ఒక చైనీస్‌ మొక్క, ఆర్తెమీసియాకు కాస్త లొంగినట్టే కనిపించింది. కానీ, ఇటీవలి పరిశోధనలో ఒకరకం మలేరియా ఆ మందుకి కూడా లొంగడం లేదని తేలింది. 'ప్లాస్మోడియం ఫాల్సిఫేరం' అనే మలేరియా పరాన్నజీవి థాయిలాండ్‌, బర్మా ప్రాంతాలలో విజృంభిస్తుందనీ, అది అతి శక్తివంతమైన మందులకూ లొంగడం లేదనీ చెబుతున్నారు. ప్రస్తుతానికి 'ఆర్తెమైసినిన్‌' మందు తప్ప మరో శక్తివంతమైన మందు కూడా ఈ రకం మలేరియాకు లేదు. పైగా, కొత్త మందులేవీ పరిశోధనలో చూడలేకపోవడం వల్ల రానున్న రోజుల్లో ఈ మహమ్మారిని నియంత్రించడం కష్టమైన పనిలాగే కనిపిస్తుంది. ఇటువంటి పరిస్థితి మలేరియా చికిత్సలో మనల్ని పదిహేను సంవత్సరాల వెనక్కి నెట్టేస్తుంది. ఆర్తెమైసినిన్‌ కనుగొనకముందు క్లోరోక్విన్‌ అనే మందు బాగా పనిచేసేది. కానీ, 70వ దశకంలో మలేరియా జీవి ఈ మందుకీ లొంగని విధంగా మారిపోయింది. మరి ఏదీ పరిష్కారం? పరిశోధనల్ని ఉధృతం చేయాల్సిందే..!! మరో ప్రత్యామ్నాయం లేదు మరి..!!!