మామిడికాయలు తింటే కొవ్వు కరుగుతుందని, బరువు తగ్గుతుందనీ
తెలిసింది. అయితే, మామిడిపండుతో దానిపై తోలును కూడా తింటేనే ఈ మేలు
కలుగుతుందని ఆస్ట్రేలియా పరిశోధకులు అంటున్నారు. ఇంకో విషయం కూడా వారు
గమనించారు. కొన్నిరకాల మామిడి పళ్ళు తింటే వ్యతిరేక ఫలితాలు ఉంటాయట. ఈ
పరిశోధన ఆస్ట్రేలియాలో జరిగింది. కాబట్టి, అక్కడ సాధారణంగానే దొరికే
'ఇర్విన్‌, నాండాక్‌ మై' రకాల తోలులో మానవ కొవ్వుకణాల అభివృద్ధిని
అడ్డుకునే పదార్థం ఉందని కనిపెట్టారు. 'కెన్సింగ్టన్‌ ప్రైడ్‌' అనే రకం
మాత్రం కొవ్వు కణాలను ప్రేరేపించే పదార్థం కలిగి ఉందని తెలిసింది. ఈ
పరిశోధన ఇంకా ప్రాథమికదశలోనే ఉన్నా, త్వరలో ఏ ప్రత్యేక పదార్థం వలన కొవ్వు
కరుగుతుందో తెలుసుకునే వీలుంది అంటున్నారు. మరి, మనం తినే రకాల్లో ఎలా
వుందో? తెలుసుకోవాల్సిందే.
No comments:
Post a Comment