పాలపుంతతో మరో గేలాక్సీ ఢీ..!

  

 

 

 

                 మన సౌర కుటుంబం ఉంటున్న ఒక గేలాక్సీ పాలపుంత, మరో భారీ గేలాక్సీ 'అన్ద్రోమెడ' రెండూ ఢీ కొట్టుకునే అవకాశం ఉందని అంతరిక్ష పరిశోధకులు అంటున్నారు. అన్ద్రోమెడలో 2002, 2010లో ఒకే నక్షత్రాన్ని కనుగొన్న బాల్టిమోర్‌లోని పరిశోధకులు ఆ గేలాక్సీ పాలపుంత మీదికి వస్తున్నట్టుగా కనిపెట్టారు. అన్ద్రోమెడ ప్రస్తుతం 2.5 మిలియన్‌ కాంతి సంవత్సరాల దూరాన ఉంది. అది పాలపుంత మీదకు గంటకు 2,50,000 మైళ్ల వేగంతో వస్తోంది. ఈ రెండు గేలాక్సీలూ ఏకమైతే మన సూర్యుడు స్థానభ్రంశం చెంది మొత్తం సౌర కుటుంబం విచిత్రంగా విడిపోతుందని కొంతమంది లెక్కలు కట్టారు. అయితే, ఈ మహాకూటమి జరగడానికి మరో నాలుగు బిలియన్‌ సంవత్సరాల కాలం పడుతుందట!