ఇంట్లో ఆరేయడం చేటు..!

- డాక్టర్‌ కాకర్లమూడి విజయ్    Wed, 14 Nov 2012, IST  

                మనకి రోజుకి బండెడు బట్టలు ఉతికి ఆరేయడం బాగా అలవాటు. వర్షాలు పడుతున్నా కూడా మనం బట్టలని ఉతకడం ఆపం. ఉతకడం ఆరోగ్యం కాపాడుకోవడానికే అయినా, తడి బట్టలని ఇంట్లో ఆరేయడం వల్ల ఆరోగ్యానికే చెడు అని తెలిసింది. తడి బట్టలు ఆరేసిన తరువాత గదిలో తేమ పెరిగిపోతుంది. ఆ తేమ అనేక సూక్ష్మక్రిములకు సానుకూలమైన వాతావరణం. తద్వారా మనకి ఆస్తమా వంటి అలర్జీ సంబంధ వ్యాధులు కలిగే ప్రమాదం అధికంగా వుంది. డ్రైయర్‌ని వాడటంగానీ, బాగా బట్టలని పిండి, గాలి తగిలే ప్రదేశంలో ఆరేయడంగానీ మంచిదని నిపుణులు సూచిస్తున్నారు. మరో పరిశోధనలో మురికిబట్టల్ని ఉంచడంకంటే తడిచిన బట్టలను ఇంట్లో ఆరేయడం వల్లనే ప్రమాదం అధికమని తేలింది.